Azərbaycanlı müğənninin çıxışı Almaniyada canlı yayımlandı - VİDEO
MAQAZİN
16:24 01.08.2012
2732
Azərbaycanın populyar müğənnisi İlhamə Qasımova Almaniyada 5000-dən çox tamaşaçı qarşısında şou konsertlə çıxış edib. AZXEBER.COM xəbər verir ki, bu barədə məlumatı alman mətbuatı yayıb. FernsehGarten adlanan şou London Olimpiadasına həsr olunub. Şou konsert Almaniyanın dövlət kanalı olan TDF-də canlı yayımlanıb. İlhamə Qasımova konsertdə məşhur RIO qrupunun solisti U-Jean ilə birgə məşhur Flying mahnısını ifa edib. Müğənninin ifası konsert iştirakçıları tərəfindən ayaq üstə alqışlanıb. Müğənninin avropalı fanatları konsertə İlhamə Qasımovanın facebook, internetde olan şəkillərini çapdan çıxararaq avtoqraf almaq ücün növbəyə düzülüblər.Qeyd edək ki, İlhamə Qasımovanın xaricdə uğurları davam edir. Məlumata görə, bu günlərdə müğənni Amerikanın məşhur kanallarından da verilişə dəvət alıb. Müxtəlif xalqların mətbəxindən bəhs edən verilişdə dünyanın populyar ulduzları öz xalqlarının mətbəxini nümayiş etdirəcək. Azərbaycandan isə bu dəvət Avropada populyar olan müğənnimiz İlhamə Qasımovaya gəlib. Müğənni milli mətbəximizi nümayiş etdriməklə yanaşı verilişdə öz repertuarından mahnılar da ifa edəcək.
