Azərbaycanlı şagirdlər XV Avropa Qızlar Riyaziyyat Olimpiadasında (EGMO 2026) uğurla çıxış edərək 3 bürünc medal qazanıblar.
AZXEBER.COM xəbər verir ki, Fransanın Bordo şəhərində keçirilən nüfuzlu yarışda Bakı şəhəri Fizika, riyaziyyat və informatika təmayüllü liseyin 9 və 10-cu sinif şagirdləri Gülay Əlizadə və Zeynəb Umudlu, həmçinin Bakı şəhəri 236 nömrəli tam orta məktəbin 9-cu sinif şagirdi Ləman Nəbiyeva fərqləniblər.
Qeyd edək ki, Avropa Qızlar Riyaziyyat Olimpiadası riyaziyyat sahəsində ən nüfuzlu beynəlxalq yarışlardan biri hesab olunur.
Riyaziyyatçı qızlarımızı təbrik edir, onlara gələcək yarışlarda uğurlar arzulayırıq.
