AZXEBER.COM-a danışan aktyorun həyat yoldaşı Nigar Baxşəliyeva Azərin yoxluğunun onun üçün nə qədər ağır olduğunu dilə gətirib:
"Bu haqda danışmaq mənim üçün çox çətindir. İndi onun məzarından gəlirəm. Bütün dostları ilə birlikdə onun yanında idik. Azərsiz çox pisəm! Onsuz mənə çox çətindir. Onu o qədər sevirik ki, dostları hərə bir yolla onu hər an xatırlamağa, yad etməyə çalışır. Biri musiqi ilə, biri sözlə vəsf edərək, biri onu lentə alaraq... Hamımız daxilimizdə olan sevgi hissimizi bir yolla ona çatdırmağa çalışırıq. Hər biri çox sağ olsun," – deyə Nigar Baxşəliyeva bildirib.
Nigar xanım həmçinin onların üç yaşlı qızları Züleyxanın ata həsrətindən də danışıb:
"Züleyxa hələ çox balacadır, heç bir şeyi başa düşmür. Mən mümkün qədər onun yadına salmamağa çalışıram. Amma təsadüfən haradasa şəklini görsə, dərhal yadına düşür. 'Ata!' deyib axtarmağa başlayır. Təbii ki, mən heç vaxt qoymayacağam ki, qızım Azəri unutsun."
Qeyd edək ki, Azər Baxşəliyev yanvar ayının 5-də 39 yaşında poli orqan yetməzliyi diaqnozu ilə yerləşdirildiyi xəstəxanada vəfat edib.
Aysel Hacızadə
