8 Fevral 2017-ci il tarixində Azərbaycan İslam Həmrəyliyi Oyunları Əməliyyat Komitəsi (AİHOƏK) "Grassroots” proqramı çərçivəsində təqdimetmə mərasimini keçirmək məqsədi ilə İslam Həmrəyliyi Oyunlarının idmançı və ulduz səfirlərini bir araya gətirib. Bu əlamətdar gün münasibəti ilə təşkil olunmuş tədbirdə AİHOƏK-in korporativ direktoru Elçin Səfərov və digər rəsmilər iştirak edib.
Tədbirdə qeyd edildi ki, IV İslam Həmrəyliyi oyunlarına 100 gündən də az bir vaxt qaldığı bu zamanda idmançı və ulduz səfirlərin bu gün ictimaiyyətə təqdim olunması əlamətdar hadisədir.
Elçin Səfərov İslam Həmrəyliyi Oyunları və Azərbaycanda ilk dəfə tətbiq olunacaq "Grassroots” proqramı haqqında ətraflı məlumat verib. "IV İslam Həmrəyliyi oyunlarının sıralarına bu gündən etibarən ulduz və idmançı səfirlər də qoşuldu.
AİHOƏK rəsmilərinin çıxışından sonra tədbirin aparıcısı idmançı və ulduz səfirləri ictimaiyyətə təqdim edib.
Ulduz səfirlər sırasında
Müğənni Tünzalə Ağayeva- Bu məsuliyyətli işi gördüyümə sevinirəm.Artıq bu gündən ulduz səfir olaraq sizin xidmətinizdə olacam. Hər birimizə uğurlar.
Aktyorlar Rafael İsgəndərov və Coşqun Rəhimov- Biz səfir olaq, siz həmrəy beləliklə ,hər birimiz həmrəy olaq.Çalışaq ,ölkəmizin həmrəyliyini göstərək.
Xeyriyyəçi və televiziya aparıcısı Hacı Nuran – Çox şadam ,şadam ki , ulduz səfirəm.İslam Oyunlarında artıq islam ölkələrinin həmrəyliyini göstərəcəyik.
İdmançı səfirlərimizdən isə Rəsul Çunayev Rüstəm Orucov, Rafael Ağayev ,Hacı Əliyev İlham Zəkiyev ,Radik İsayev Kamran Şahsuvarlı Fəridə Əzizova İlahə Qasımova Ruslan Abışov Leyla Cavadova Elmar Qasımov Nazim Babayev və Aynur Rzayeva kimi fəxri idmançılar təmsil edəcək.
Ruslan Abışov –Əslində mənim İslam Həmrəyliyi Oyunlarından idmançı səfir kimi iştirak etməyimi eşidəndə çox sevindim ,mən futbolçuyam , çox idman tədbirlərində iştirak edirik ,ancaq belə bir ölkənin adına olan layihə idmançı səfir kimi olmağım mənim üçün qürür vericidir.
Rəsul Çunayev – Mən və mənim idmançı dostlarım hər birimiz təkcə idmançı kimi yox ,həmdə səfir kimi fəaliyyət göstərəcəyik layihədə,inanıramki ,öhdəsindən gələcəyik.
Hacı Əliyev -İdmançıların məhz səfir kimi çıxışı əslində maraqlı ,məsuliyyətli işdir .Biz idmançıyıq ancaq səfir kimi yeni seçilirik,bu təbiiki ,uğurumuzun qarşılığıdır.Mən həm idmançı kimi həmdə səfir kimi işimin öhdəsindən layiqincə gələcəm.
İlahə Qasımova – Karateni təmsil edirəm ,həm səfir kimi həmdə İdmançı kimi işimin öhdəsində uğurla gəlməyə çalışacam.
