Bu gün səhər saat 11-də Milli Parkda “Şeytan çarxı” adlanan yeni atraksion işə salınıb.
AZXEBER.COM-un məlumatına görə, Dənizkənarı Bulvar İdarəsinin rəis müavini Nazim Məcidovun sözlərinə əsasən, “karusel”in qiyməti istifadəçilərin yaşına görə müxtəlifdir.
“Belə ki, biletlər 6 yaşınadək uşaqlara pulsuz veriləcək. 6 yaşından 12 yaşınadək olan uşaqlar üçün 3 manat, 12 yaşından böyük uşaqlar və böyüklər üçün 5 manat olacaq”, - N.Məcidov deyib.
Qeyd edək ki, çarx tam dairəni sürətdən asılı olaraq 10-30 dəqiqə ərzində vurur.
Xatırladaq ki, 60 metr hündürlüyündə olan yeni çarxın tikintisinə 2013-cü ildə başlanıb.
Atraksionda hər biri 8 nəfər üçün nəzərdə tutulan 30 kabinə var.
Bu yaxınlarda Prezident İlham Əliyev və Mehriban Əliyeva yeni atraksionun rəsmi açılışında iştirak ediblər.
Diqqətinizə yeni atraksiondan Bakının görünüşünü təqdim edirik.
