Bakı Metropolitenindəki qorxulu anların səbəbləri məlum oldu
MAQAZİN
12:43 01.04.2013
2531
Bakı Metropoliteni martın 29-da “20 Yanvar” və “İnşaatçılar” stansiyaları arasında qatarların dayanması ilə bağlı məlumat yayıb. Məlumatda bildirilir ki, martın 29-da saat 09:53-də “20 Yanvar” metro stansiyasından "İnşaatçılar" stansiyasına hərəkət edən qatarda yaranmış nasazlığa görə maşinist sərnişinləri “İnşaatçılar” stansiyasında düşürərək, hərəkəti davam etdirib.Tunelə daxil olan qatar hərəkətini davam etdirə bilməyib və dispetçerin göstərişinə əsasən arxadan gələn qatarın köməyi ilə nasaz qatarın tuneldən çıxarılmasına başlanılıb. Köməyə gələn qatarın da sərnişinləri "Elmlər Akademiyası" stansiyasında düşürdülüb və yedəyə götürülən qatar, təlimata uyğun olaraq, 20 km/saat sürəti ilə "Nərimanov" elektrik deposuna göndərilib.Saat 10:58-də nasaz qatar "Nərimanov" stansiyasından elektrik deposuna yollandıqdan sonra, Bakı Metropoliteni xətlərində qatarların normal hərəkəti bərpa olunub. Bunun nəticəsində metropoliten xətlərində 35 dəqiqəlik ləngimə qeydə alınıb, lakin bu müddətdə qatarların hərəkəti dayandırılmayıb. Hadisə nəticəsində heç bir sərnişin xəsarət almayıb.
