Bakı-Quba yolunun H.Z.Tağıyev qəsəbəsi ərazisində yol-nəqliyyat hadisəsi baş verib.
AZXEBER.COM-un "Qafqazinfo”ya istinadən verdiyi məlumatına görə, Ağsu sakini, 48 yaşlı Müşfiq Alıyevin idarə etdiyi "Hovo" markalı yük avtomobili qarşıda gedən 44 yaşlı hərbçi İsmayıl İdrisovun idarə etdiyi BMW-yə arxadan çırpılıb.
Nəticədə "BMW”nin sürücüsü yaralanıb. O, Sumqayıt şəhər təcili yardım xəstəxanasına çatdırılıb. Onun yaxın saatlarda Müdafiə Nazirliyinin hospitalına aparılacağı bildirilir.
Bu barədə Baş Dövlət Yol Polisi İdarəsinin istintaq və təhqiqat şöbəsinin müstəntiqi Şöhrət İmanov məlumat verib.
Faktla bağlı araşdırmaya başlanılıb.
