Hadisə paytaxtin Nəsimi rayonunda baş verib. Rayon sakini, 80 yaşlı Abbasəli Hüseynov həyat yoldaşı, 80 yaşlı Nisə Kərimovanı bıçaqlayaraq öldürüb. Hadisəni törədən Abbasəli Hüseynov polis əməkdaşları tərəfindən saxlanılıb.

İlkin məlumata görə, Abbasəli Hüseynov həyat yoldaşından çay istəyib. Qadının eşitmə qabiliyyəti zəif olduğundan, o, ərinin bu sözlərini eşitməyib. Bu zaman Abbasəli Hüseynov əlindəki bıçaqla qadının boğazını kəsib. Xeyli qan itirən Nisə Kərimovanın həyatını xilas etmək mümkün olmayıb.

Qonşuların sözlərinə görə, mərhum və onun həyat yoldaşı hadisə baş verən ünvanda oğlunun mənzilində yaşayıblar. Abbasəli Hüseynov xeyli vaxtdır xəstəlikdən əziyyət çəkir və onunla həyat yoldaşı arasında daim münaqişə olub.

Prokurorluq tərəfindən hadisənin təfərrüatı araşdırılır. (musavat.com)