Bakıda sürücünün avtomobilini qəsdən cızıblar.
Bu barədə Manset.az-a Quliyev Bəhruz Rauf oğlu məlumat verib. O, bildirib ki, hadisə anbaan ətrafdakı təhlükəsizlik kameralarına düşüb:
"28 dekabr tarixində idarə etdiyim 39SN039 dövlət qeydiyyat nişanlı "KİA" markalı avtomobilini Nəsimi rayonu, Lev Tolstoy 153 ünvanında park etdim. Mən gedəndən sonra kameralara düşən şəxs əlindəki əşya ilə maşınımın yan tərəfini bilərək, qəsdən cızaraq mənə maddi zərər vurub. Həmin şəxs avtomobilimi cızdıqdan sonra 10GY208 qeydiyyat nişanlı avtomobilə minərək ərazidən uzaqlaşır.Hadisə ilə bağlı hüquq mühafizə orqanlarına məlumat vermişəm. Bu adamın tapılaraq qanunla sərt cəzalandırılmasını istəyirəm".
