Bu gün “Favorit-Market” supermarketlər şəbəkəsi Bakı sakinləri üçün növbəti mağazasını istifadəyə verib.

AZXEBER.COM Gün.Az-a istinadən xəbər verir ki, yeni “Favorit-Market” Yasamal rayonu Əbdürrəhim bəy Haqverdiyev küçəsi, məhəllə 574 ünvanında yerləşir.

“Baku Retail” MMC-nin icraçı direktoru Fuad Bədəlov bildirib ki, sahəsi 2400 kv.m olan yeni supermarket sayca dördüncüdür.

Onun sözlərinə görə, supermarketdə alıcılara 40-45 min çeşiddə mal təklif olunur.

”İnsanlar həmişə olduğu kimi “Favorit-Market”də yüksək keyfiyyət, bol çeşid və xoş münasibətlə qarşılaşacaqlar. Supermarketimiz alıcılara hər növdə qidaların təklif olunduğu bir neçə bölmədən ibarətdir. Eyni zamanda dünyanın hər yerindən gətirilmiş məhsullar, meyvə və tərəvəzlər alıcıların ixtiyarındadır”.

F.Bədəlov qeyd edib ki, açılış münasibətilə çox çeşiddə hədiyyələr var. “Bunlar həm təsərrüfat, həm şirniyyat həm də digər məhsullara aiddir”.

Avqust ayından “Favorit Card” proqramı vasitəsi ilə alış-veriş edən müştərilər üçün yeni hədiyyə çeşidləri də əlavə edilib. Bunların arasında mobil telefonlar, İphone-4S, İpad-2 və digər hədiyyələr var.

Yeni supermarketdə alıcıların rahatlığı üçün müştərilərin avtomobilləri üçün xüsusi dayanacaq da yaradılıb.

Qeyd edək ki, “Favorit-Market”supermarketlərinin digər mağazaları aşağıdakı ünvanlarda yerləşir Yasamal rayonu, Məhəmməd Hinduşah Naxçıvani küçəsi 15.

Binəqədi rayonu, Mircəlal küçəsi 59K

Binəqədi qəsəbəsi İkinci Mədən küçəsi, 52-ci korpus.