Bakıda iki direktor işdən azad olunub.

Bakı Şəhər Mədəniyyət və Turizm İdarəsindən AZXEBER.COM-a daxil olan məlumata görə, Bakı Şəhər Mədəniyyət və Turizm İdarəsinin M.Ə.Sabir adına Balaxanı qəsəbə Mədəniyyət evinin direktoru Əliyeva Səyyarə Əjdər qızı və Nizami adına Mədəniyyət Mərkəzinin direktoru Əliyev Eldəniz Eldar oğlu tutduqları vəzifədən azad olunublar.

Xatırladaq ki, ilin əvvəlindən başlayaraq Bakı şəhərində yerləşən mədəniyyət müəsissələrində əmək fəaliyyətində aşkar edilmiş qüsurlara əsaslanaraq, idarə tərəfindən bir sıra kadr dəyişikliyi həyata keçirilib.