23 avqust İnsan Alveri Qurbanlarının Beynəlxalq anım günüdür. Bu gün dünyanın bir çox ölkələrində qeyd edilir. İnsan Alveri Qurbanlarının Beynəlxalq anım günü Azərbaycanda ilk dəfə 2010-cu ildə “Təmiz Dünya Qadınlara yardım” İctimai Birliyi tərəfindən keçirilmişdir. 23 avqust 2011-ci il tarixdə İnsan alveri qurbanlarının anım günü ölkədə ikinci dəfə yad ediləcək. Tədbirdə, Beynəlxalq Təşkilatlar və səfirliklərin nümayəndələri, millət vəkilləri, DİN-in İnsan alverinə qarşı Mübarizə İdarəsinin rəsmiləri, iş adamları eləcə də, tanınmış incəsənət xadimləri iştirak edəcək. Kompaniyanın gedişatında rəsmilərin çıxışları ilə yanaşı, insan alveri cinayətinə qarşı və insan alveri qurbanlarına dəstək məqsədilə mesajlar səslənəcək. Bu mesajları, istənilən şəxs səsləndirə bilər. Eyni zamanda tədbir iştirakçıları ilə, ələlxüsus da incəsənət xadimləri ilə birgə fotosessiyalar təşkil ediləcək, onlar tərəfindən aftoqroflar veriləcək. Tədbirdə insan alverinə həsr edilmiş iki məşhur filmin diskləri paylanacaq. Filmlərin adı:Tədbirdən sonra, bütün səslənmiş mesajlar və fotolar topalanaraq, albom şəklində çap ediləcək. Kampaniyanın iki elementi, “Mavi ürək” və gözlərə bağlanmış “mavi lent” mövcuddur. “Mavi ürək” Birləşmiş Millətlər Təşkilatının Narkotik və Cinayətkarlığa qarşı Mübarizə ofisi tərəfindən ictimai məlumatlığın səviyyəsini artırmaq üçün yaradılmışdır.Kompaniya, Amerika hökumətinin İnsan alverinə qarşı mübarizə idarəsi və Birləşmiş Millətlər Təşkilatının Narkotik və Cinayətkarlığa qarşı Mübarizə ofisi tərəfindən tanınıb. Mavi lent ” kompaniyası milyonlarla istismara məruz qalmış insanlara bu acını unutdurmaq, onlara yardım və dəstək ola bilmək üçün düşünülmüş ən yaxşı rəmzdir!Bağlı gözlər – bizim məlumatsızlığımızın simvoludur. Biz, ətrafda nə baş verdiyini görməmək üçün gözlərimizi yumur və baş verən insan alveri cinayətinə qarşı “görməməzlik” nümayiş etdiririk.Bağlı gözlər – səssiz kampaniyadır. Burda sözə ehtiyac qalmır.Kampaniyanın təşkilatçıları, “Təmiz Dünya” Qadınlara Yardım İctimai Birliyi, DİN-in İnsan Alverinə Qarşı Mübarizə İdarəsi, "Birliyə Doğru" Əlil və Kİmsəsiz Uşaqlara Qayğı İctimai Birliyi, Lady Radio, APA informasiya agentliyi, AZXEBER.COM informasiya portalı, Sosial informasiya agentliyi/Axar. az saytı və Park Bulvardır.
