İyunun 29-u, 30-u və bu gün səhər hava şəraitilə bağlı ağacların qırılması faktı üzrə 15 müraciət daxil olub.
Bunu Bakı Şəhər İcra Hakimiyyətinin Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov bildirib.
O.Məmmədovun sözlərinə görə, kökündən çıxan ağaclar iki maşının üzərinə düşərək, zərər yetirib:
"Aşan, qırılan ağacların sayının artacağı ehtimal olunur. Çünki şənbə və bazar iş günü olmayıb. Səhərdən başlayaraq isə müraciətlər gəlməkdədir. Bu müraciətlərlə bağlı araşdırmalar aparılır. Müvafiq olaraq aşmış ağaclar ərazidən götürülür”.
Şöbə rəisi daha çox Binəqədi, Nəsimi və Yasamal rayonu ərazisindən şikayətlər daxil olduğunu bildirib.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, kəskin hava şəraiti iyulun 2-si gündüzədək davam edəcək.
AZXEBER.COM ağacın qırılması və avtomobili yarasız hala salmasının videosunu təqdim edir:
