Bakının Qaradağ rayonunda məktəbli 2-ci mərtəbədən yıxılıb.
Hadisə Sahil qəsəbəsində yerləşən 273 saylı tam orta məktəbdə qeydə alınıb. Məktəbin şagirdi, 14 yaşlı Dmitri Dusin 2-ci mərtəbədən yıxılıb. Yaralı dərhal xəstəxanaya aparılıb. Reanimasiyaya yerləşdirilən D.Dusinə diz qapağının sınığı, qol sümüyünün sınığı və kəllə-beyin travması diaqnozu qoyulub.
Bakı Şəhəri üzrə Təhsil İdarəsindən faktı təsdiqləyiblər. Bu barədə mətbuata açıqlama veriləcəyi bildirilib.
///ONA
