Bu gün Bakı Avrasiya Universiteti yaxınlığında baş verən bıçaqlanma ilə bağlı təfərrüatlar məlum olub.
AZXEBER.COM bildirir ki, primetime.az-ın əldə etdiyi məlumata görə, bıçaqlanan şəxs filologiya fakültəsinin 1-ci kurs tələbəsi Azər adlı oğlandır.
Məlumata görə, o, 2-ci kurs tələbəsi ilə mübahisə zamanı ayağının şah damarından bıçaqlanıb.
Hadisəyə səbəb isə siqaret olub. Azər siqaret çəkib yerə atan zaman siqaretin kötüyü digər tələbənin ayağına dəyib. Bundan sonra həmin tələbə Azərə bir neçə bıçaq zərbəsi endirib. Zərərçəkən xəstəxanaya çatdırılsa da, hazırda durumu ağırdır. Bildirilib ki, lazım olan qan tapılmasa xəstə itirilə bilər.
