İşədüzəltmə şirkətinin xətti ilə xaricə gedən Azərbaycan vətəndaşı Polşada köməksiz vəziyyətdə qalıb.
AZXEBER.COM xəbər verir ki, Unikal.org-a müraciət edən vətəndaş Hüseynov Pərviz Şahlar oğlu bildirib ki, onun qardaşı 11.10.1989-cu il təvəllüdlü Hüseynov Bəhruz Şahlar oğlu işədüzəltmə şirkəti tərəfindən aldadılaraq Polşanın Qdansk şəhərinə aparılıb.
Sonradan işlə təmin edilməyərək küçələrdə qalmalı olub.
Hazırda onun ciyərlərinə su yığıldığı və xəstələndiyi bildirilir.
Pərviz Hüseynov Bakıda yerləşən "KeyProbject” şirkətinə və onun rəhbəri olan Üzeyir Məmmədli, Nurlan Məmmədov və Tural Əzimliyə müraciət etsə də, onun qardaşının Azərbaycana gətirilməsinə kömək etmirlər.
