Ekologiya və Təbii Sərvətlər Nazirliyinin əməkdaşları tərəfindən Bakı şəhərinin Xəzər dənizinin sahilboyu zonasında reyd keçirilib.
AZXEBER.COM nazirliyə istinadən xəbər verir ki, reyd zamanı Xəzər dənizinin sahilboyu ərazisində fəaliyyət göstərən "Aquapark", "121", "Amay" istirahət mərkəzlərində, "Delfin" çimərliyində, "Fərdi" iaşə obyektində, "Cənub" kafesində bərk məişət tullantılarının qanunvericiliyə uyğun qaydada idarə olunmaması, tullantıların qalaqlanması və yandırılması, "Balıq evi" restoranında isə formalaşan tullantı sularının təmizlənmədən birbaşa dənizə axıdılması faktları aşkar edilib.
Qanun pozuntuları ilə bağlı obyekt sahibləri barəsində protokollar tərtib olunub.
İnzibati xəta törətdiklərinə görə təqsirkar şəxslər ümumilkdə 6150 manat məbləğində cərimə edilib və çatışmazlıqların aradan qaldırılması üçün onlara icrası məcburi olan müddətli "məcburi göstəriş"lər verilib.
Nazirlikdən bildirilib ki, reydlər davam etdirilir.
