Bakıda yeni istifadəyə verilmiş yolda çökmə baş verib.
AZXEBER.COM primetime.az-a istinadən xəbər verir ki, Nizami rayonunun Qara Qarayev prospekti, Mehdi Abbasov küçəsində magistral yolun kanalizasiya kollektoru olan hissəsi çöküb. Nəticədə böyük çuxur əmələ gəlib. Yaranan çuxura görə avtomobillərin hərəkəti məhdudlaşdırılıb.
"Azəravtoyol" ASC-dən bildirilib ki, hadisə barədə məlumatlıdırlar və araşdırma aparılır.
Qeyd edək ki, ötən ilin iyun-sentyabr aylarında Qara Qarayev prospektində yenidənqurma və təmir işləri aparılıb.
