Onların paytaxt sakinlərinin arasında necə gəldi hərəkət etmələri istirahət etmək istəyənlərin narazılıqlarına səbəb olur.
Vətəndaşlar bildirir ki, skuter sürənlərə görə rahat gəzməkdə çətinlik çəkirlər. İnsanların sıx olduğu yerlərdə belə sürətlə keçərək təhlükə yaradırlar.
O hesab edir ki, elektron skuterlər üçün yeni qaydaların müəyyənləşdirilməsinə ehtiyac var:
"Bu qaydalar müəyyənləşdirilənə qədər elektron skuterlərlə bağlı problemlər qalacaq. Nizamsız qaydada skuterlərin sürülməsi, piyada vurma hallarının sayı artıb. 15-16 yaşlı şəxslərin bu nəqliyyat vasitəsini istifadə etdiyinin şahidi oluruq. Skuter sürən şəxslər bilməlidirlər ki, onların yaşı 16-dan azdırsa, bu nəqliyyat vasitəsini avtomobil yolunda sürə bilməzlər. Skuter sürücüləri yolun sol zolağı və ortası ilə deyil, sağ zolağı ilə hərəkət etməlidirlər. Sürən şəxslər mütləq dəbilqə taxmalıdırlar. Skuterin önündə və arxasında fənərlər olmalıdır”.
Ekspert qeyd edib ki, skuter sürənlər üçün ayrıca yollar olmalıdır:
"Bulvarda skuterlər üçün ayrıca zolaq çəkilə bilər ki, onlar həmin zolaqla hərəkət etsinlər. Yeni qaydalar müəyyənləşdirilməzsə, skuterlərlə bağlı bu problemlər həllini tapmayacaq”.
Məsələ ilə bağlı Bakı şəhər Dövlət Yol Polisi İdarəsinin baş inspektoru Araz Əsgərli AZXEBER.COM-a açıqlama verib.
O bildirib ki, son üç ay ərzində Bakı şəhərində 500-ə yaxın skuter sürücüsü cərimələnib:
"Skuterləri idarə edənlər də digər hərəkət iştirakçıları kimi məsuliyyət daşıyır və qaydaları pozarlarsa, cərimələnirlər. Hər bir hal İnzibati Xətalar Məcəlləsinin 338-ci maddəsində müəyyən olunmuş məsuliyyətlər formalaşdırır. Baş geyimindən düzgün istifadə etməmək 40 manat, digər hallarda isə qayda pozuntularına uyğun olaraq 20-100 manat cərimələr müəyyən edilib.
Son üç ay ərzində Bakı şəhərində 500-ə yaxın skuter sürücüsü əsasən dəbilqəsiz və düzgün zolaq seçmədiyinə görə cərimələnib”.
Dənizkənarı Bulvar İdarəsinin açıqlamasında bildirilib ki, Milli Park ərazisində hərəkətdə olan skuterlərin sürət həddi maksimal olaraq 17 km/saat olması qərara alınıb.
Şəbnəm Zahir
Qeyd olunub ki, vətəndaşların sıx olduğu dənizkənarı zolaq skuterlərin hərəkəti üçün tam məhdudlaşdırılıb. Hərəkət üçün təyin olunmuş digər zolaqlarda yeni quraşdırılan yol nişanları skuter istifadəçilərinə maneəsiz hərəkət üçün kömək olacaq.
Bu nəqliyyat vasitəsini sürən şəxslərdən qaydalara riayət etməsi, onu icarəyə verən operatorlardan proqram təminatlarında məhdudiyyətlərlə bağlı bu yenilikləri skuterlərə tətbiq etmələri, proqram təminatı olmayan operatorlardan isə proqram təminatını yaradıb, qaydalara əməl etmələri xahiş olunur. Əks təqdirdə müvafiq tədbirlər görüləcək.
