Ölkə ərazisində müşahidə edilən qeyri-sabit hava şəraiti paytaxt Bakıya da təsirsiz ötüşməyib. Belə ki, gün Bakı şəhərində baş verən leysan yağışı ciddi problemlərə səbəb olub.
AZXEBER.COM xəbər verir ki, bu barədə məlumat BAKU.WS-in "qaynar xətti”nə daxil olub.
Güclü yağış nəticəsində şəhərin bir sıra küçələrinə su dolub, bu isə həm insanların, həm də nəqliyyatın hərəkətinə mənfi təsir göstərib. Küçələrdə yaranan su basqınları səbəbindən vətəndaşlar çətinliklə üzləşiblər, nəqliyyat vasitələri isə suyun yüksəkliyi səbəbindən hərəkət etməkdə çətinlik çəkiblər.
Yağış suları ilə dolan kanalizasiya boruları daşıb, bu isə şəhərin müxtəlif hissələrində əlavə problemlərə yol açıb. Kanalizasiya sisteminin daşması nəticəsində küçələrdə və yollarda su səviyyəsi daha da artıb və vəziyyəti ağırlaşdırıb.
