Fransalı hücumçu Kərim Benzema məşqlərdən kənarlaşdırılıb və Səudiyyə Ərəbistanının "Əl-İttihad" futbol klubunun qarşıdakı toplanışında iştirak etməyəcək.

Bu barədə İspaniyanın "Marca" nəşri məlumat yayıb.

Bu qərar oyunçunun cümə günü komandanın olduğu yerə gəlməməsindən sonra verilib.

"Əl-İttihad" mövsümə hazırlaşmaq üçün bazar günü Dubaya gedəcək. Benzema Milad tətili başlamazdan əvvəl, dekabrın sonunda komandanın üç məşqini buraxıb.