Əməkdar artist Nigar Şabanova "Atv” televiziyasında yayımlanan "Rəngarəng səhər” verilişində qonaq olub.
AZXEBER.COM xəbər verir ki, sənətçi övladlığa götürdüyü qızından danışıb.
Qardaşının qızına analıq etdiyini bildirən əməkdar artist qız övladlarının sosial şəbəkələrdə tez-tez paylaşılmasına yaxşı baxmadığını bildirib:
"Övlad mənimdirsə, mən onu niyə kimdənsə gizlətməliyəm? Şükür allaha utanacaq bir hərəkətim yoxdur ki, qızım məndən utansın. İndi balacadır, onu izləyicilərimə göstərirəm. Amma daha sonra yox. 6 yaşından sonra onu heç vaxt göstərməyəcəyəm. Kiminsə balasını oğurlamamışam ki? Ya da başqasının yoldaşını oğurlayıb uşaq dünyaya gətirməmişəm ki, onu gizlədim. Bunu edənlər gizlətsin. Bilirsiz ki, Nəfisə qardaşımın balasıdır. Amma mənə ana deyir, 4 aylığından mənim yanımdadır, mən onu qorumalıyam. Nə edim ki, mənimki alınmadı, belə gətirdi qismətim. Amma o, mənim balamdır”.
Nigar Şabanova qızı ilə bağlı arzularından da bəhs edib:
"O, heç vaxt müğənni olmayacaq. İstəyirəm onu prokuror olaraq görüm. 17 yaşı olanda qızımın efirdə nə işi var? O, ailə quracaq, ilk olaraq yoldaşı onu görəcək. Ondan sonra özü, həyat yoldaşı istəsə, mənim yanımda onu görə bilərlər”.
Aysel
