"15 İyul şəhidlərimizə və bütün əziz şəhidlərimizə Allahdan rəhmət diləyir, qazilərimizə uzun və sağlam ömür diləyirəm”
AZXEBER.COM Türkiyə mediasına istinadən xəbər verir ki, bu sözləri Türkiyənin MHP sədri Devlet Baxçalı 15 iyul münasibəti ilə etdiyi paylaşımda bildirib.
O paylaşımında digər nüanslara da toxunub:
"Qlobal və regional miqyasda diqqət mərkəzində olan və xaotik problem mövzuları getdikcə daha çox şaxələnir və xüsusilə milli sülh və təhlükəsizliyimizə çoxsaylı təhdidlər yaradır.
Türkiyənin tərəqqi və yüksəliş əzmindən qorxanlar fərqli oyunların ardınca gedirlər.
Bu kontekstdə terror təşkilatları pullu qatillərdən istifadə edir və həmin insanlar açıq şəkildə müəyyən edilmiş siyasi və strateji hədəflərə qarşı vəhşicəsinə təhrik edilir.
15 iyul 2016-cı ildə Türkiyə son iki əsrin ən ciddi sui-qəsd dalğasına məruz qalıb. "Xidmət və xeyriyyəçilik” adı altında gizlənən vətən, millət, din düşmənlərinin müşayəti ilə dağıdılma ssenarisi həyata keçirilib.
15 iyul türk tarixində "Bir əsrin hadisəsi" olmaqla yanaşı, həm də dövlət və millət həmrəyliyinə həsəd aparan zirvə günü kimi bütün yaddaşlara həkk olunub.
Onilliklər boyu inkubasiya edən, sistemli şəkildə hər sahəyə sızan, tədricən hər yerə yayılan siyasi, sosial, iqtisadi, diplomatik, akademik, hərbi, polis, bürokratik və media sahələrində paralel təşkilat çarxı quraraq dövlətə rəqib struktur quran FETÖ nə ilk əməliyyat, nə də növbəti əməliyyatları ilə istəyinə nail olacaq".
Oksana
