Xalq artisti Afaq Bəşirqızı "Gündən günə" verilişinin qonağı olub.
AZXEBER.COM axşam.az-a istinadən xəbər verir ki, aktrisa qalmaqallı açıqlaması ilə diqqət çəkib. Bəşirqızı sənət adamlarının özünü xəstəliyi, şəxsi həyatı ilə reklam etməsini qınayıb:
"Tamaşaçı ailəmi, hansı xəstəlikdən əziyyət çəkdiyimi bilməməlidir. Niyə mənim daxilimi tamaşaçı tanımalıdır? Buna görə də tamaşaçı efirdə baxanda deyir ki, yazıq ölür, xəstədi. Ya da deyir filankəsin adamıdır. Demir, səsi, sənəti var.
15-16-20 il əvvəl oynadığın müvvəffəqiyətli rolun kölgəsində ömrünün axırına qədər istər sənət aləmində, istər Allahın sənə verdiyi ömür yolunda onunla başa vurmaq, öz ayaqqabının səsi ilə səhnəyə çıxmaq və səhnədən onunla enmək - bu sənətkarın ölüm fərmanıdır".
Aktrisa 83 yaşlı anası Rəfiqə xanımdan da söz açıb:
"Anamın üzündə bir dənə qırış yoxdur. 83 yaşı var. Bizdə genetikdir, 50 yaşından sonra cavanlaşırıq. Anam kosmetika, rəng, boya tanımır".
Qeyd edək ki, bu günlərdə əməkdar artist Tünzalə Əliyeva xəstəliyi ilə gündəmə gəlmişdi. Onun efirdə yardım istəməsi sosial şəbəkədə qınanılmışdı.
