Ağ Evdə Ukrayna Prezidenti Volodimir Zelenski ilə görüşəcək ABŞ prezidenti Co Bayden bu ölkəyə hava hücumundan müdafiə imkanlarını ehtiva edən yeni hərbi yardım paketini açıqlayacaq.
AZXEBER.COM xəbər verir ki, Ağ Evin milli təhlükəsizlik müşaviri Ceyk Sullivan gündəlik mətbuat konfransında jurnalistlərin suallarını cavablandırıb.
ABŞ prezidenti Baydenin bu gün altıncı dəfə Zelenski ilə üz-üzə görüşəcəyini qeyd edən Sullivan Zelenskinin Bayden administrasiyası dövründə üçüncü dəfə Ağ Evə səfər edəcəyini, bunlardan ikisinin müharibədən sonra olacağını bildirib.
O deyib ki, Bayden-Zelenski görüşü ukraynalıların əks əməliyyatlarında irəliləyiş əldə etdiyi mühüm bir vaxtda baş tutub.
Sullivan Baydenin bu gün Ukrayna üçün əhəmiyyətli hava hücumundan müdafiə imkanlarını ehtiva edən yeni hərbi yardım paketini təqdim edəcəyini açıqlayıb.
Sullivan bəyan edib ki, paketə Ukraynanın əks-hücumuna kömək edəcək silah və avadanlıqlar, o cümlədən Artilleriya Raket Sistemləri (HIMARS), artilleriya sursatları və ikili təyinatlı gücləndirilmiş şərti döyüş sursatları (DPICM) daxil olacaq.
Ayşən
