Bu gün xalqımız 26 İyun Silahlı Qüvvələr gününü işğaldan azad olunmuş torpaqlarımızda şərəf və qürur hissiylə qeyd edir. 44 günlük Vətən müharibəsində prezident, Silahlı Qüvvələrin Ali Baş Komandanı İlham Əliyevin başçılığı ilə Azərbaycan ordusu tarix yazıb. Bu tarixin hər səhifəsində isə şəhidlərimizin və qazilərimizin adları qızıl hərflərlə yazılıb.
AZXEBER.COM xəbər verir ki, "166 Yükdaşıma və Logistika” və "156 Evakuasiya” şirkəti bu gün münasibəti ilə 44 günlük vətən müharibəsində torpaqlarımızın azad olunması uğrunda vuruşan qazi əməkdaşları ilə görüş keçirib.
Tədbirdə həmçinin 156 Evakuasiya xidmətinin əməkdaşı olmuş şəhid Murad Məmmədovun qardaşı iştirak edib.
Şirkət rəhbərliyi onları daim diqqətdə saxladığını bildirərək, bayram münasibəti ilə qaziləri təbrik edib. Qazilər isə öz növbəsində göstərilən diqqət və qayğı üçün təşəkkürlərini bildirib.
Sözügedən gündən görüntüləri təqdim edirik:
