Belçikanın Şarlerua Hava Limanında 13 fevral həyata keçirilməsi planlaşdırılan bütün reyslər ləğv edilib.
AZXEBER.COM xarici mətbuata istinadən xəbər verir ki, reyslərin ləğv olunmasına səbəb işçilərin aksiya keçirməsidir.
Hava limanından verilən açıqlamada, Brüsseldə planlaşdırılan nümayiş səbəbiylə hava limanında əməliyyatların təhlükəsizliyini təmin etmək üçün kifayət qədər personalın olmayacağı və bu səbəbdən Şarlerua hava limanına və oradan bütün uçuşların ləğv edildiyi qeyd edilib.
Açıqlamada qeyd olunan tarixdə yalnız Şengen bölgəsindən hava limanına uçuşların həyata keçiriləcəyi, hava yolu şirkətlərinin vəziyyətdən təsirlənəcək sərnişinlərlə əlaqə saxlayacağı bildirilib.
Brüssel hava limanı da dünən oxşar qərar qəbul edib.
Digər tərəfdən, bütün həmkarlar ittifaqlarının ümumi çağırışı ilə fevralın 13-də Belçikanın hər yerində tətil və böyük nümayiş olacaq.
Həmkarlar ittifaqları yeni qurulan hökumətin sosial xərclərdə etməyi planlaşdırdığı ixtisarları və həyata keçirəcəyi qənaət siyasətini sərt şəkildə tənqid edir.
Bu çərçivədə hər ayın 13-də birgə etiraz aksiyaları və aksiyaların keçirilməsi planlaşdırılır.
Oksana
