Belçikada 2024-cü il ərzində 774 müşayiətsiz qaçqın uşaq itib.
AZXEBER.COM Türkiyə mətbuatına istinadən xəbər verir ki, onlardan yalnız 246-sı tapılıb, 500-dən çoxuna isə hələ də nəzarət edilə bilmir. İtkin düşən 101 uşaq yaşlarının azlığı, təhlükəli şəraitdə görülmələri və ya fiziki-psixoloji məhdudiyyətləri səbəbilə "xüsusilə narahatedici” kateqoriyasına daxil edilib.
Məlumatlar Groen Partiyasının deputatı Matti Vandemaelenin sorğusu əsasında açıqlanıb və De Standaard qəzetində dərc olunub. Bənzər itki halları 2023-cü ildə də qeydə alınıb.
Qaçqınlara dəstək verən Vluchtelingenwerk Vlaanderen təşkilatına görə, son illərdə ölkədə 2.241 müşayiətsiz qaçqın uşaq itib. Vandemaele uşaqlara vasi təyin olunmasını, fərdi dəstəkli yaşayış mərkəzlərinin yaradılmasını və Avropa səviyyəsində tədbirlər planının hazırlanmasını təklif edib.
"Bu uşaqlar təhlükəsizlik axtarır, lakin çox vaxt istismara və ya cinayətə məruz qalırlar,” – deyə o bildirib.
Oksana
