Xəbər verdiyimiz kimi, İncəsənət xadimlərinə Azərbaycan Prezidentinin mükafatları verilib.
AZXEBER.COM xəbər verir ki, bununla bağlı Prezident İlham Əliyev Sərəncam imzalayıb.
Mükafat alan incəsənət nümayəndələri sırasında olan Xalq artisti Fidan Hacıyeva yaşadığı hissləri AZXEBER.COM-la bölüşüb:
"Siz mənə elə bir xəbər verdiniz ki, sevincimin həddi-hüdudu yoxdur, çox həyəcanlandım. Biz bir neçə gün öncə Xalq artisti Yusif Eyvazovla birlikdə Cüzeppe Verdinin "Aida" operasını oxuduq, çox gözəl tamaşa nümayiş olundu. İndi də tələbələrimlə birlikdə 3-cü Beynəlxalq Opera Festivalına hazırlaşırıq. Bu ərəfədə belə bir xəbəri almaq mənə çox böyük sevinc bəxş etdi. Qarşıda hələ çox gözəl işlərimiz, böyük konsertlərimiz olacaq. Mən Prezidentimizə dərin təşəkkürümü bildirirəm".
Aysel Hacızadə
