“Azərbaycan futbolunun yaxşı gələcəyi var. Dövlət tərəfindən bu idman növünün inkişafına yaxşı maliyyə ayrılıb”.
AZXEBER.COM-un məlumatına görə, bu sözləri milli komandamızın baş məşqçisi Berti Foqts FİFA-nın rəsmi saytına açıqlamasında deyib.
Almaniyalı mütəxəssis qeyd edib ki, AFFA-nın futbolun inkişafı yönündəki fəaliyyəti doğrudur. Bununla belə, Foqts klubları tənqid edib: “Təəssüf ki, eyni sözü klublara şamil etmək olmur. Onların məşqçiləri isə öz üzərlərində yetərincə işləmirlər. Qarşıda hələ çox şey edilməlidir”.
