Siyahıda Səyavuş Aslanla, Hacı İsmayılovun da adı varTeatrlarda 65 yaşdan yuxarıların təqaüdə göndərilməsi prosesi davam edir. Opera və Balet, Musiqili Komediya, Rus Dram, eləcə də Gənc Tamaşaçılar Teatrının istər yaradıcı, istərsə də texniki işçiləri arasından təqaüdə göndərilənlər barədə çoxdan məlumatlar yayılıb.Bu proses Milli Dram Teatrında həyata keçirilməyib. Mədəniyyət və Turizm Nazirliyi Milli Dram Teatrına 65 yaşdan yuxarı aktyor və texniki işçilərdən ibarət siyahı göndərib.Siyahıda adı çəkilənlərin təqaüdə göndərilməsinə göstəriş verilib.Teatrın direktoru İsrafil İsrafilov məlumatı təsdiqləyib, amma məsələyə yenidən baxılması üçün nazirlikdən xahiş etdiyini də deyib: “Siyahıda adı olanların bəziləri çox xəstədir, elələri də var ki, səhnədə bir-neçə rolları, hələ deyiləsi sözləri var.”Məlumat üçün bildirək ki, siyahıda xalq artistləri Siyavuş Aslanın, Rafik Əzimovun, Rafael Dadaşovun, Ramiz Məlikin və Hacı İsmayılovun adları da var.
