"Beşiktaş” klubunun idman direktoru Samet Aybaba "Qarabağ”ın futbolçusu Juninyonu izləmək üçün Almaniyaya gedəcək.
AZXEBER.COM fotospor-a istinadən xəbər verir ki, o, UEFA Avropa Liqasının 1/8 final mərhələsinin "Bayer 04” – "Qarabağ” görüşünə tribunadan baxacaq, cümə günü isə İstanbula qayıdacaq.
Xatırladaq ki, "Bayer 04” ilə "Qarabağ” arasında cavab görüşü martın 14-də Leverkuzendə keçiriləcək. Bakıdakı ilk matç 2:2 hesabı ilə nəticələnib.
