Xəbər verdiyimiz kimi, Beyləqanda bazar ərazisində yanğın hadisəsi baş verib.
AZXEBER.COM "Qafqazinfo”ya istinadən xəbər verir ki, yanğında 13 nəfər tüstüdən zəhərlənib, 3 nəfər isə yüngül xəsarət alıb.
Tibbi Ərazi Bölmələrini İdarəetmə Birliyindən (TƏBİB) bildirilib ki, sözügedən 16 nəfər (15-i kişi, 1-i qadın) Beyləqan Rayon Mərkəzi Rayon Xəstəxanasına hospitalizasiya olunub.
Onlardan 1984-cü il təvəllüdlü şəxsə sol biləyin kəsilmiş, cırılmış yarası, 1995-ci il təvəllüdlü şəxsə sol qolun cırılmış yarası, 2004 -cü il təvəllüdlü şəxsə isə sol ayağın 1-ci barmağının kəsilmiş yarası, digər şəxslərə isə tüstüdən zəhərlənmə diaqnozu təyin edilib.
Xəsarət alan şəxslərin hər birinə zəruri tibbi yardım göstərildikdən sonra ambulator müalicə üçün evə buraxılıblar.
