Azərbaycan Beynəlxalq Bankının problemli aktivlərinin dəqiq həcmi Maliyyə Bazarlarına Nəzarət Palatasının bu bankda aparacağı kreditlərin təsnifatından sonra məlum olacaq.
AZXEBER.COM Trend-ə istinadən bildirir ki, bunu jurnalistlərə maliyyə naziri Samir Şərifov deyib.
Onun sözlərinə görə, işlər (bankın aktivlərinin "təmizlənməsi" üzrə - red.) davam edir: "Təsnifat kreditin problemli olub-olmadığını, eləcə də onların problemlilik səviyyəsini müəyyənləşdirməyə imkan verir. Bu təsnifata əsasən, bankın kifayət həcmdə problemli krediti var. Devalvasiyadan sonra bankda başqa problemlər də aşkarlandı və buna görə Palata borc öhdəliklərinin təkrar təsnifatını aparır".
