Bakı şəhəri, Sabunçu rayonu, Bilgəh qəsəbəsində nəzarətsiz dəniz ərazisində 2 nəfər çimərkən batma təhlükəsi ilə üzləşib.
Hadisə may ayının 21-də, axşam saatlarında baş verib.
Fövqəladə Hallar Nazirliyi (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri əraziyə cəlb olunub.
Həyata keçirilən xilasetmə əməliyyatı nəticəsində batma təhlükəsi ilə üzləşən 1988-ci il təvəllüdlü M.N. dalğıc-axtarış qrupunun xilasediciləri tərəfindən xilas edilib.
Digər şəxs, 1987-ci il təvəllüdlü Rzayev Əlipaşa Kərim oğlunun isə cəsədi xilasedicilər tərəfindən sudan çıxarılaraq, aidiyyati üzrə təhvil verilib.
///Qaynarinfo
