"Binəqədi kəndində 10 gündür su yoxdur deyə sakinlər etiraz edirlər” başlığı ilə Youtube sosial şəbəkəsəsində yayımlanmış videomaterialdan məlumatlıyıq və məsələ diqqətimizdədir".
Bu haqda AZXEBER.COM-a Binəqədi Rayon İcra Hakimiyyətindən bildirilib.
Məlumatda qeyd olunur ki, yay mövsümünün başlanması ilə əlaqədar içməli suya olan tələbatın artması səbəbindən son günlərdə su təminatında fasilələr yaranmışdır.
Rayon ərazisində içməli suyun verilməsində yaranan məhdudiyyətlərin aradan qaldırılması məqsədilə tərəfimizdən aidiyyəti qurumlarla birgə işlər görülür.
Qeyd edilən ünvanda əhalinin içməli su təchizatı ilə bağlı probleminin aradan qaldırılması istiqamətində Azərsu ASC tərəfindən müvafiq addımlar atılır, Xüsusi maşınlarla mütəmadi olaraq sakinlərin su tələbatının təmin edilməsi işləri təşkil edilir.
