Bir gənclər təşkilatı seçkisi təşkil edə bilməyən partiyadan xalq nə gözləsin?

Müsavat Partiyasının Gənclər Təşkilatının sədrliyinə keçirilən səsvermənin nəticələri partiyada qalmaqala səbəb olub.

AZXEBER.COM-un məlumatına görə, bununla bağlı partiyada ikitirəlik yaranıb. Səsvermənin nəticələrinə görə Cavid Hacıbəyliyə uduzan Rauf Məmmədli partiya rəhbərliyinə iradını bildirib və seçkinin saxta olduğunu deyib. Müraciətdə Cavid Hacıbəylinin özünə yaxın yaşı 29-u keçmiş xeyli adamı iclasa cəlb etdiyi və məhz bunun nəticəsində də qalib gəldiyi qeyd edilib. 

Təşkilata saxta yolla sədr seçildiyi iddia olunan C. Hacıbəylinin 28 yaşı var. Müsavat GT-nın əsasnaməsinə uyğun olaraq yaşı 29-u ötmüş şəxs MGT-nin üzvü ola bilməz. Belə anlaşılır ki, bir il sonra Müsavatda yenidən seçki keçirilib sədr seçilməlidir.

Hadisədən bir neçə gün sonra AZXEBER.COM-un redaksiyasına bir qrup müsavatçı gəncin adından məktub göndərilib.

Məktubda Müsavat Partiyası Gənclər Təşkilatında keçrilən seçkinin nəticələrinin ləğv olunması qınanır və bu hadisə, partiyanın İcra Aparatının rəhbəri Arif Hacılıya bağlanılır. Həmin məktubu olduğu kimi təqdim edirik. "Bildiyimiz kimi Müsavat GT-də seçkinin nəticələri ləğv olundu. Bu işdə Arif Hacılının əlinin olması məsələsi var. Arif Hacılı öz şəxsi ambisiyalarına görə 102 illik partiyanı qurban verir. Maraqlıdır, görəsən müsavatçılar belə birini necə öz İcra Aparatlarının Rəhbəri təyin edə bilərlər, o çox maraqlı bir faktdır. Əgər bu adam xırda marağı üçün 102 illik partiyanı qurban verirsə, o zaman orta səviyyəli maraqları üçün hakimiyyət başında olduqdan sonra bütün xalqı, dövləti qurban verər. Bu barədə artıq Müsavat partiyasının daxilində də ciddi və kütləvi narazılıqların başladığı bildirilir və hətta partiyadan kütləvi istefalarında olacağı gözlənilir."

"İslahatçı Gənclər" İctimai Birliyin sədri Fərid Şahbazlı Müsavat daxilindəki saxtakarlığa sərt reaksiya verib. İqtidaryönümlü gənc AZXEBER.COM-a açıqlamasında deyib: "Ortada bölünəsi pul yox, vəzifə yox. Amma gəl ki, Müsavat Gənclər Təşkilatının sədrliyinə keçirilən seçkilər saxtalaşdırıldığı üçün ləğv edilib və yeni seçkilər təşkil olunacaq. İndi hakimiyyəti saxta seçkilərdə ittiham edənlərin iqtidar olacaqları halda törədə biləcəkləri saxtakarlıqların miqyasını təxmin edin..."

YAP Gənclər Birliyin sədri Seymur Orucov da saxtakarlığa görə Müsavatı kəskin tənqid edib: "Müsavat" Gənclər Təşkilatınn seçkilərinin nəticələri ləğv edilib. Səbəb göstərilir ki, texniki məsələlərə görə olub. Bir gənclər təşkilatı seçkisi təşkil edə bilməyən partiyadan xalq nə gözləsin? Budur mu sizin bacarığınız, qabiliyyətiniz, təşkilatçılığınız? Hələ siz adi təşkilatı işləri bilmirsiz, hələ bunlar prezident də olmaq istəyirlər. Xalq buna gore sizinlə deyil."