Azərbaycanda məşhur marketin iflas olmasının şok səbəbi - milyonluq maxinasiya

ÖZƏL
14:54 23.09.2016
14896

 

Bir vaxtlar ölkənin ən məşhur marketlər şəbəkəsi olan "Almalı” marketin bağlanması ilə bağlı maraqlı iddia ortaya çıxıb.

AZXEBER.COM-un elektron ünvanına Elmar Həsənov adlı vətəndaşın göndərdiyi məlumatda marketin bağlanmasında müxtəlif maliyyə maxinasiyalarının olduğu və nəticədə küllü miqdarda vəsaitin mənimsənildiyi qeyd edilib.

Məlumata görə, qısa zaman kəsimində respublikanın bir çox bölgələrində açılan marketin çox keçmədən bağlanması böyük sualların ortaya çıxmasına səbəb oldu. 

Belə ki, 2006-cı ildə yaranan və qısa müddətdə məşhurlaşan marketin sahibləri ilk gündən marketi Araz Ağalarovun marketləri kimi qələmə verməyə çalışıblar. Onlar bununla öz "təhlükəsizlik”lərini qarantiyə almaq istəyiblər. Məlumatda bildirilir ki, bunun bir digər səbəbi isə marketin əsl sahibi Azərbaycan Beynəlxalq Bankın keçmiş sədri Fuad Axundovun adının görünməməsinə çalışmaq olub:

"2006-cı ildə Beynəlxalq Maliyyə Korporasiyası bayrağı altında Azərbaycana sərmayə qoyuluşu adı ilə "ADA” şirkətlər qrupu yaradır və "Almalı” marketlər şəbəkəsi qururlar. İxtisasça maliyyəçı menecer olduğundan qısa zamanda gözə çarpan, cəlb edici görüntü və reklamlardan istifadə etməklə yüksək səviyyəli brend ticarət şəbəkəsi yaratmışdır. Azərbaycanda misli olmayan iri ticarət şəbəkəsi əhalinin bütün təbəqələrinin sevimlisinə çevrilmişdi. Bu səbəbdən sahibkarlar bir-birləri ilə rəqabət edərək Almalı ilə əməkdaşlıq etməyə can atırdılar. Hətta sahibkarlar Almalının satışına mal verməkdən ötrü "şapka” verirdilər. Bu andanda mərhələli formada maliyyə fırıldağına start verilmişdi. Mərhələli formada mal verən sahibkarlara süni borclar yaranırdı. Bu borclar mal verən sahibkaları narahat etmirdi, çünkü süni yaradılmış"Almalı” bazarına girmək problemi sahibkarları bu fikirdən uzaqlaşdırırdı.

Son 6 ayı Almalı Ticarət şəbəkələrində işləyənlərin də zəhmət haqqısı verilmədi. Beləliklə, sahibkarlara borclanma, vergi borcları, icarə haqlarının borcları (icarəyə götürülmüş mağazalar), kredit borcları, maaş borcları maksimal səviyyəyə qaldırıldıqdan sonra "Almalı” şəbəkəsinin müflüsləşməsi elan edildi.

İlkin hesablamalara görə nisyə mal vermiş sahibkarların 50mln. manata, icarə borcları üzrə 250 min. manat, vergi borcları üzrə 2 mln. manata qədər və banklardan alınmış kreditlər mənimsənilmişdi. Əlbətdə ki, ticarətdən ən az anlayışı olan belə anlayır ki, ticarətdə ziyan mümkündür. Lakin heç bir xərc qarşılanmamış halda açıq aşkar satılan malların tam dəyərinin mənimsənilməsi mümkün deyil. Belə ki, satılmış malların tam dəyəri ticarət dövrüyyəsindən mərhələli formada kanarlaşdıraraq mənimsənilmişdi”.

Məktubda hazırda marketin sahibi iddia edilən Fuad Axundovun İngiltərədə yaşadığı qeyd olunub. Eyni zamanda məlum iflas zamanı ziyan dəymiş sahibkarların bir araya toplaşdığı və ictimaiyyət üçün mətbuat konfransı keçiriləcəyi bildirilib.

Yazıda adı keçən şəxslərin də mövqeyini dərc etməyə hazırıq.

OXŞAR XƏBƏRLƏR