AZXEBER.COM Türkiyə mediasına istinadən xəbər verir ki, ABŞ-ın Vanderbilt Universiteti və Corc Meyson Universitetinin alimləri uğurlu karyeraya sahib olmaq üçün əməl etməli olduğunuz formulları izah ediblər.

Müvafiq olaraq, iş dünyasında parlamağın sirri öz nailiyyətlərinizi gözardı etmədən həmkarlarınızın nailiyyətlərini vurğulamaqdır.

"Biz göstəririk ki, fərdlər eyni vaxtda başqalarını həvəsləndirmək, başqalarının nailiyyətlərini və keyfiyyətlərini təsvir etmək, öz nailiyyətlərini və keyfiyyətlərini müəyyən edib təsdiqləməklə həm istiqanlılığı, həm də səriştəsini nümayiş etdirə bilirlər”, - deyə tədqiqat qrupu bildirib.

Journal of Personality and Social Psychology jurnalında dərc olunan araşdırma üçün 1488 iştirakçı ilə yeddi təcrübə aparılıb. 200 işə qəbul meneceri birgə layihəni tamamlayan iki həmkarının hekayəsini oxuyub və özlərini qiymətləndirib.