Birləşmiş Millətlər Təşkilatı (BMT) İranın Suriyadakı səfirliyinin binasının hədəf alınması ilə bağlı Yaxın Şərqdə baş verən hadisələrə diqqət çəkərək, bölgədəki gərginliyin daha geniş əraziyə sıçrayacağından böyük narahatlığın olduğunu bildirib.
AZXEBER.COM xarici mediaya istinadən xəbər verir ki, BMT-nin sözçüsü Stefan Dujarrik gündəlik mətbuat konfransında jurnalistlərin suallarını cavablandırıb.
Hadisədən sonra BMT-nin baş katibi Antonio Quterreşlə keçirilən görüşlər barədə məlumat verən Dujarrik İranın xarici işlər naziri Hüseyn Əmir Abdullahiyanın bu gün Quterreşə zəng etdiyini bildirib.
Baş katibin təmaslarını davam etdirəcəyini bildirən Dujarrik "Bölgədəki mövcud gərginliyin çox daha geniş əraziyə sıçrayacağından çox narahatıq" deyib.
Ayşən
