BMT-nin İnsan Haqları üzrə Ali Komissarı Volker Türk bəyan edib ki, İsrail hökumətinin işğal altındakı Qəzza zolağının hamısını hərbi yolla ələ keçirmək planı dərhal dayandırılmalıdır.
AZXEBER.COM xarici mətbuata istinadən xəbər verir ki, Türk, İsrail ordusunun Qəzza zolağına tam nəzarəti ələ keçirmək planı ilə bağlı yazılı açıqlama verib.
İsrail hökumətinin işğal altındakı Qəzza zolağının hamısını hərbi yolla ələ keçirmə planının dərhal dayandırılması lazım olduğunu vurğulayan Türk, "Bu plan Beynəlxalq Ədalət Məhkəməsinin İsrailin işğala bir an əvvəl son qoyması və Fələstinlilərin öz müqəddəratını təyinetmə hüququnu tanıması qərarını pozur" deyib.
Türk, bu günə qədər əldə edilən bütün sübutlara əsaslanaraq, İsrailin planının, zorakılığın bu şəkildə artmasının daha da kütləvi məcburi köçkünlərə, eləcə də daha çox ölümə, dözülməz iztirablara, mənasız dağıntılara və vəhşilik cinayətlərinə səbəb olacağını bildirib.
Qeyd edək ki, İsrail Təhlükəsizlik Kabineti Qəzza zolağının şimalında yerləşən Qəzza şəhərini işğal etmək üçün yeni planı təsdiqləyib. İsrail Təhlükəsizlik Kabineti dünən axşam saatlarında bütün Qəzza zolağının işğalını müzakirə etmək üçün iclas keçirib.
Gülay
