BMT "Taliban” radikal hərəkatının nəzarəti altına keçən bölgələrdə humanitar missiyasını davam etdirir və beynəlxalq təşkilat gözləmədiyimiz hər hansı fövqəladə vəziyyət olmayana qədər bölgədəki nümayəndələrini geri çəkməyəcək, siyasi və humanitar missiyasını davam etdirəcək. 48 saat davam edən proseslərdən sonra "Taliban” nümayəndələri ilə bu sabah danışıqlarımız baş tutdu”.
AZXEBER.COM "Report"a istinadən xəbər verir ki, buları BMT-nin sözçüsü Stefan Dujarrik keçirdiyi mətbuat konfransında deyib.
"Kabil hava limanının normal fəaliyyətini bərpa etməsi bölgədə davamlı humanitar əməliyyatlarımızı reallaşdırmaq üçün bizə kömək edə bilər. Buna görə də bölgədə aviasiya əməliyyatlarının ən qısa zamanda normallaşmasını görmək istəyirik. BMT Əfqanıstanda humanitar işlər görür və önəmli rol oynayır. Əfqanıstanda cərəyan edən edən vəziyyət ətrafında xüsusi köməyə ehtiyacı olan vətəndaşlarla bağlı narahatlıqlarımız var. Növbəti mərhələdə reallaşan hərəkətlilik nələr baş verəcəyini bizə göstərəcək”.
