30 il ərzində Ermənistan Azərbaycan torpaqlarını işğal altında saxladı. Bu ərazilərdə yaşayan uşaq, qoca, qadın da daxil günahsız insanları qətliama məruz qoydu, bəşəri soyqırımlar və terror aktları həyata keçirdi. Mina və ekoloji terror nəticəsində torpaqlarımızı xarabalığa çevirdilər.
Bu dövr ərzində Ermənistanın tərəfindən törədilən dəhşətli cinayətlərə göz yuman, işğalçılıq faktının təsdiqinə dair qətnamələri kağız parçası sayan və işğalçıya dəstək verən qüvvələr Bakıda müharibə cinayətlərinə görə məhkəmələri gedən quldurlara "azadlıq" tələb edirlər.
BMT-nin insan hüquqları üzrə ali komissarı Volker Türk Vardanyan, Harutrunyan, Manukyan və digər cinayətkarların azadlığa buraxılmasını tələb edən bəyanat səsləndirib. Ağır işğalın törətdiyi fəsadlar, mina, ekoloji və mənəvi terrordan, itkin düşmüş 4 min azərbaycanlının taleyindən danışmalı olan ali komissar bəşər əleyhinə qəddar cinayətlərə imza atan separatçılara azadlıq tələb edir.
Dədə-baba yurdlarına qayıdış uğrunda mübarizə aparan Qərbi azərbaycanlıların taleyi də görünür BMT komissarını maraqlandırmır. Onun bəyanatı bir daha təsdiq edir ki, BMT üçün hüquq anlayışı mövcud deyil. Bu, təşkilatın mandatına ziddir.
Bu, belə olmasaydı, BMT-nin insan haqlarına məsul rəsmisi cəzasızlığı təşviq etməzdi.
Azər Niftiyev
