Əri tərəfindən qətlə yetirilən İrina Dvizova və 15 yaşlı qızı Dayana Dvizovanın cəsədlərini 7 gündür ki, heç kim qəbul etmir.
AZXEBER.COM Türkiyə mətbuatına istinadən xəbər verir ki, noyabrın 23-də qohumların xəbər ala bilmədikləri üçün İrina Dvizova və qızı Dayananın Konacık məhəlləsindəki evlərinə gediblər.
Qapını qıraraq içəri girən yaxınlarıdivanda ana və qızına aid olduğunu düşündükləri qan ləkəsini görüblər. Yaxınlarının xəbərindən sonra ana və qızı tapmaq üçün xüsusi qruplar yaradılıb.
Aparılan axtarışlar nəticəsində ana və qızın mələfələrə bükülmüş meyitləri yol kənarındakı sıldırım yamacda bir-birindən 3 metr aralıda aşkar edilib.
Ekspertiza olunduqdan sonra cəsədlərə sahib çıxan yoxdur. Ana və qızın cəsədləri hələ də yaxınları tərəfindən qəbul edilməyib.
Maddi vəziyyəti yaxşı olmayan ana və qızın qohumları onların qalıqlarını götürüb öz ölkələrinə aparmaq üçün Rusiyada xeyriyyə kampaniyasına başlayıblar.
Ana və qızın qətlində şübhəli şəxs qismində axtarışda olan keçmiş əri Andrey Kusleviçin Litvada olduğu müəyyən edilib.
Kusleviçin tutulması üçün Litva təhlükəsizlik qüvvələri ilə lazımi yazışmaların aparıldığı da bildirilib.
Günel
