Azərbaycanlı müğənni Boris Bayramov şou-biznes nümayəndələrini bir araya yığıb.
AZXEBER.COM-a açıqlama verən ifaçı bildirib ki, onları bir araya cəm etməsinə səbəb ifa etdiyi “Aromatik” adlı mahnının klip çəkilişləridir: “Yeni klip çəkilişlərinə başlamışıq. Artıq çəkilişlərin əksər hissəsi geridə qalıb. Ekran işində bir çox şou-biznes əhli rol aldı. Hər birinə ayrı-ayrılıqda minnətdaram. Onu da deyim ki, klipdə sürpriz müğənni də çəkiləcək. Hələ ki, onun adını gizli saxlayıram. Onun adını yalnız klip hazır olanda biləcəksiniz”.
Onu da əlavə edək ki, B.Bayramovun klipində müğənnilər Emil Bədəlov, Rəhim Rəhimli, Günay İbrahimli, Yaşar Cəlilov, aparıcılar Afaq Gəncəli, Samir Bayramlı, “Bozbaş pictures”in aktyorları İlkin Həsəni, Elşən Orucov, Nicat Orucov, aşıq Əli və digərlər şou nümayəndələri rol alıb. Klip yaxın günlərdə mediaya təqdim olunacaq.
Qeyd edək ki, “Aromatik” adlı bəstənin sözləri Azər Şirinə, musiqisi Tərlan Məmmədhüseynova məxsusdur. Klipin prodüsert Təranə Səmədovadır.
