Boşqabın rəngi çəkiyə necə təsir edir? - Artıq çəkidən qurtulmağın 12 psixoloji hiyləsi

SOSİAL

21:51 30.05.2026

772

Çox vaxt stres, darıxmaq və ya uşaqlıq vərdişləri insanı ehtiyacından artıq yeməyə sövq edir.

AZXEBER.COM Demokrat.az-a istinadən xəbər verir ki, dietoloq və psixoloqlar acından ölmədən, sadəcə vərdişləri dəyişərək iştahı idarə etməyin 12 qızıl qaydasını açıqlayıblar.

Artıq çəkidən qurtulmaq üçün sınanmış üsullar:

1. İlk olaraq su için: Tox olduqdan az sonra yaranan aclıq hissi çox vaxt susuzluq əlamətidir. 1 stəkan su içib 15 dəqiqə gözləyin.

2. Rejimə əməl edin: Hər gün eyni saatda yemək beyində aclıq siqnallarını nizamlayır və vaxtsız qəlyanaltı istəyini yox edir.

3. Kiçik qablardan istifadə edin: Yeməyi uşaq boşqablarında və desert qaşığı ilə yeyin. Bu zaman beyin vizual olaraq daha çox yediyinizi zənn edir.

4. Tələsmədən çeynəyin: Mədənin doyma siqnalı beyinə 20 dəqiqə gec çatır. Sürətli yemək birbaşa mədə ağırlığına və artıq çəkiyə səbəb olur.

5. Yatmazdan 3-4 saat əvvəl dayanın: "Saat 18:00-dan sonra yeməmək" qaydası köhnəlib. Əsas şərt odur ki, son qida qəbulu yuxudan 3-4 saat əvvələ təsadüf etsin.

6. Ekran qarşısında yeməyin: Telefon və ya televizora baxaraq qidalanmaq nə qədər yediyinizi nəzarətdən çıxarır. Gadjetları kənara qoysanız, daha az porsiya ilə doyacaqsınız.

7. Boşqabın rəngini dəyişin: Qara, qəhvəyi və tünd yaşıl rəngli qablar iştahı azaldır və tez doymağa kömək edir. Ağ və qırmızı rənglər isə aclıq hissini stimullaşdırır.

8. Fraksiyalı (az-az, tez-tez) qidalanın: Gündə 5-6 dəfə kiçik porsiyalarla yemək maddələr mübadiləsini sürətləndirir və axşamlar həddindən artıq yeməyin qarşısını alır.

9. Dişlərinizi fırçalayın: Hər yeməkdən sonra ağızda qalan nanə təravəti dadbilməni sıfırlayır və növbəti qəbuladək nəsə atışdırmaq istəyini öldürür.

10. Zərərli qidaları gizlədin: Şirniyyat və qəlyanaltıları göz önündən yığışdırın, yerinə isə masa üzərinə təzə meyvə (məsələn, alma) qoyun.

11. Darıxarkən məşğuliyyət tapın: Sırf darıxdığınız və ya gərgin olduğunuz üçün soyuducuya üz tutmaq əvəzinə, rəsm çəkin və ya gündəlik yazın.

12. Yuxu rejiminə diqqət edin: Gündə 7-8 saatdan az yatdıqda, orqanizm enerji çatışmazlığını yeməklə kompensasiya etməyə çalışır.