Braziliyanın Rio-de-Janeyro şəhərində sərnişin təyyarəsi havaya qalxarkən uçuş-enmə zolağında avtomobilə çırpılıb və dəhşətli qəza baş verib.
AZXEBER.COM xarici mətbuata istinadən xəbər verir ki, GOL Hava Yollarına məxsus Boeing 737 MAX tipli sərnişin təyyarəsi Fortalezaya uçarkən uçuş-enmə zolağında olan avtomobilə çırpılıb.
Hadisə zamanı böyük çaxnaşma yaşanıb.
Xoşbəxtlikdən xəsarət alan olmayıb. Toqquşmadan sonra reys təxirə salınıb, lakin sərnişinlər təhlükəsiz şəkildə təxliyə edilib.
Hava limanının yanğınsöndürmə qrupları mümkün yanğının qarşısını almaq üçün dərhal müdaxilə ediblər.
Braziliya Aviasiya Qəzalarının Araşdırılması və Qarşısının Alınması Mərkəzi (CENIPA) qəzanın səbəbini müəyyən etmək üçün rəsmi araşdırmaya başlayıb.
Mikayıl
