"Qəbələ" ötən gün "Neftçi" ilə yollarını ayıran braziliyalı futbolçu Ramon Maçadoya təklif göndərib.
Bu barədə AZXEBER.COM-a əyalət klubunun baş meneceri Nail Kərimov məlumat verib.
Onun sözlərinə görə, 27 yaşlı hücumçu təklifə müsbət yanaşmayıb: "Böyük ehtimalla, məsələ bağlanıb. Maraqlandığımız digər oyunçular var. Amma hələlik konkret bir şey yoxdur".
Qeyd edək ki, Ramon Maçado 2021-ci ilin sentyabrından "Neftçi"də çıxış edirdi. Paytaxt klubunda 28 oyun keçirən futbolçu 7 qol vurub.
