Fevralın 1-də Bakı Slavyan Universitetinin (BSU) 2024–2025-ci illər üzrə fəaliyyət planına uyğun olaraq Strateji inkişaf planını və 2025-ci il üçün strateji hədəflərinin müzakirəsi təşkil edilib.
AZXEBER.COM xəbər verir ki, Fakültə əməkdaşları və tələbə nümayəndələrinin iştirak etdiyi tədbirdə BSU-nun rektoru Anar Nağıyev təqdimatla çıxış edərək 2025-ci il üçün müəyyənləşdirilmiş fəaliyyət planının istiqamətlərini təqdim etdi.
Rektor təqdimatında səriştə əsaslı təhsil proqramlarından, məzmun və tədqiqat, ömürboyu öyrənmə və fasiləsiz təhsil imkanlarından danışaraq rəqəmsal transformasiya istiqamətində görülmüş işləri qeyd etdi. Anar Nağıyev təhsilin beynəlmilləşməsi, elm və tədqiqat istiqamətində planlaşdırılma, tədris və öyrənmə prosesinin BSU-nun elmi ehtiyaclarının əsasında təşkil ediləcəyini, onun beynəlmilləliyi kontekstində inkişafı və birgə beynəlxalq tədqiqatların həyata keçirilməsini qeyd edərək universitetin keyfiyyət təminatı və resursların inkişafından danışdı. Rektor əmək bazarı ilə əlaqəliliyin artırılmasını vurğulayaraq universitetin SİP-nın müəyyən etdiyi orta və uzun müddətli inkişaf hədəflərinə nail olmaq üçün 2025 – ci il üçün fəaliyyət planının əsas addımlarını qeyd etdi.
Yüksək Təhsil Mərkəzinin direktoru Ülviyyə Məmmədova təqdimatla çıxış edərək elmi tədqiqatlardan və innovasiya potensialının artırılması istiqamətində danışaraq bu məqsədlə yaxın gələcəkdə müvafiq infosessiyanın təşkil ediləcəyini bildirdi. Ü. Məmmədova SİP -də nəzərdə tutulan 2025-ci il üçün fəaliyyət planından danışaraq həmkarların suallarını cavablandırdı.
Tədbirdə BSU – nun Maliyyə və təsərrüfat işləri üzrə prorektoru Elçin Hüseynov təhsilin maliyyəşməsi və keyfiyyətin təminatı, differensial əmək haqqı sistemindən, infastrukturun müasirləşdirilməsi və resursların inkişafından danışdı.
SİP-nın əsas istiqamətlərini təşkil edən tədbirdə geniş və məhsuldar müzakirələr aparılaraq bir çox maraqlı təklif və qeydlər toplandı.
Daha sonra Universitet əməkdaşları arasında komanda ruhunun və işinin gücləndirilməsi çərçivəsində keçirilən tədbir (teambuilding) fakültə əməkdaşları və tələbə nümayəndələrinin iştirak ilə "Fibonacchi” intellektual oyununun keçirilməsi ilə yekunlaşdı.
