Dünyanın ən qapalı ölkəsi sayılan Şimali Koreya Xalq-Demokratik Respublikasında dəhşətli olayla bağlı cəza gerçəkləşdirilib.
kütləvi qıtlıq və aclıqla üzləşmiş Şimali Koreyada bir ata iki uşağını doğrayıb yemişdi. Həmin ata tutulmuş, məhkəmədə edam cəzası almışdı. Bu gün səhər saatlarında qaniçən ata güllələnib. "Uşaqlarını yeyən qonşumu güllələdilər", - edam edilmiş şəxsin həmkəndlisi deyib. Əhalinin tam əksəriyyətinin yarıac yaşadığı, aclığın az qala adi hala çevrildiyi Şimali Koreyada son illərdə 10 minə yaxın insanın kəsilərək yeyildiyi vurğulanır. Xalq yoxsulluq və səfillik içində qıvrılsa da, ölkəni idarə edən diktaturanın rəhbəriKim Çen İnsərvət içində yaşayır. Asia Press bildirir ki, Şimali Koreyada adamyeyənlik sürətlə yayılır. Ölkənin şimalındakı kəndlərdən birində baba ölmüş nəvəsinin cəsədini çıxararaq yeyib. Ölkənin cənubundakı kənddə isə 44 yaşlı ata 5 yaşlı oğlunun başını çəkiclə əzəndən sonra uşağı qaynadaraq yeyib. AsiaOne bildirir ki, Şimali Koreyada aclığın əsas səbəbləri arasında quraqlıq və toxumluq bitki ehtiyatlarının tükənməsidir. Şimali və Cənubi Hvanhe vilayətlərində son iki ildə 400 nəfərin həmkəndliləri, ailə üzvləri və ya qohumları tərəfindən öldürülərək yeyildiyi də vurğulanır. May kəndində ana 3 yaşlı oğlunu doğrayaraq yeyib. Çonqdan kəndində isə aclıqdan ağlını itirmiş ada oğlunu qaynadaraq yeyib. Sunday Times yazır ki, Şimali Koreya lideri, 30 yaşlı Kim Çen İn bütün bunlara rəğmən, ölkəni səfalətə sürükləyən siyasətində zərrə qədər yumşalmalara yol vermək niyyətində deyil. Şimali Koreyada hazırda 50 mindən artıq insanın saxlandığı 22 ölüm düşərgəsinin olduğu vurğulanır. 1990-cı illərin əvvəllərində Şimali Koreyada yaşanan və "Çətin yürüş" adlanan aclıqda 3,5 milyon insanın öldüyü bildirilir. (milli.az)
